Ang Pagsalakay na Sinapit

Ang pasko ay sumapit

Marahang nanginig ang himig

Salamangkerong awit

Nagbibigay-dilim at lamig

Nanalangin ako sa sanggol

Mula sa dantaong panahon

Hiniling ang kanyang pagtanggol

Sa ektaryang lupang inararo

Sa pagpatak ng pasko

May tatlong haring nagsidalaw

Alay sambat palakol

Pagsalakay ay inihandog

‘Pagkat kahit magsikap ay hindi pa rin

Makakamtan, kasaganaang minithi

Kahit magsiawit ng daing at sakit

Bingi pa rin ang mundong pinatahimik

Gintong aral ay sinunod ko naman din

Nagbungkal nagtanim nagtiis sa gilid

Ngunit dugo pa rin ang nagsilbing dilig

Binhing nagkulay pasko sa hatinggabi