Panahon na naman ng bagong simula at muling pagpapakilala sa UP Diliman (UPD). Kasabay ng pagsalubong ni Oble sa mga bagong iskolar ng bayan, ang unti-unting panunumbalik ng mga kinagisnang kulturang bumubuo sa ating buhay sa UP. Gayunpaman, sa ilang taon nating pagkawala sa pamantasan bunsod ng pandemya, marami na rin ang ipinagbago ng buhay sa UPD.
Ngayong nagbabalik-tabloid na ang Philippine Collegian, hayaan ninyong ipakilala namin kayo sa samot-saring naratibo ng espasyo, sektor, at kasaysayan ng pagtindig na humuhubog sa komunidad ng UPD. Sa pamamalagi sa pamantasan, mga bagong iskolar ng bayan, likas na magpapatuloy ang pagbabagong-bihis ng Diliman—huwag mo itong katakutan, bagkus patuloy na pag-aralan at suriin.
Panahon na nga ng pagbabago. Lampas sa pagkilala, sana ay makatuwang kayo ng buong komunindad sa UP sa hangad nitong makabuluhang pagbabago para sa lahat. Buong-loob na pagbati, mga iskolar! Patuloy nating pagsilbihan ang bayan!
Tawid-gutom
Habang binibigyan ng espasyo ang mga bilihang gaya ng Gyud Food at DiliMall, isinasantabi naman ang kapakanan ng mga maliliit na manininda at negosyante na malayang makapaglako sa loob ng kampus.
Tara, Inom
Sa inuman, napaparamdam sa atin na hindi tayo mag-isa sa paglalakbay sa kolehiyo, kaagapay din natin ang nakakasalumuha sa silid at katrabaho sa organisayon.
UP Orgs
Sa hamon ng muling pagbuhay sa masikhay na kultura ng mga organisasyon sa UP, mahalaga ang pagpapanumbalik sa diwa ng kolektibo sa mga samahang ito tungo sa layuning pagsilbihan ang bayan.
Iisang Destinasyon
Lulan ng parehong sasakyan, nasa iisang paglalakbay ang mga drayber at estudyante kung saan makararating lamang sila sa inaasam na tagumpay kung patuloy nilang tatahakin ang daan sa pakikibaka.
Group Study
Ngayong nanunumbalik sa nakagisnan ang UP matapos ang pandemya, mas lalong umiigting ang panawagan para sa espasyong bukas at ligtas para sa mga estudyante nang sa gayon ay walang maiwan na mag-aaral. ●
